- 562 -

1426. Jan. 23. Goldberg.

Die Stadt Goldberg nimmt gegen einen jährlichen Zins von 7 Mark ein Capital von 70 Mark für Herzog Ludwig auf.

Peter Peczold burgermeister czum Goltberge vnd Cristophorus Rule, Erasmus Kune, Symon Harte, Francze Hampel rathmannen doselbist bekennen uffenlich mit diesem brife allen, dy en sehen adir horen lezen, das wir von geheisse vnd ernster befelunge vnsers gnedigen herren herczoge Ludwiges vnd mit rathe al vnser gesworn, eldsten, schepphen vnd hantwerkmeister vnd mit wissen vnd yoworte vnser ganczen gemeynde, arm vnd reich, recht vnd redlich haben vorkauft seben mark geldes jergleichs (!) czinses vm sebenczig mark Bemischer groschen Polnnischer czal, dy wir gancz vnd gar haben ingenomen vnd das geld mit anderem gelde vnserm gnedigen hirren herczoge Ludwige haben gegeben, der es sal haben czu der beczalunge der stad Strelen vnd vns dorvor vorphand vnd vorsaczt hat seyne molen, Steynyn vnd Czettraw genant, hy vor dem Goltberge gelegen, als wir des seynen briff haben, dem erbern Johanni Weynschreiber czu Legnicz vnd Annan seyner hausfrawen dornoch Johannes erben vnd elichen nochkomenden etc. An der mittewochen noch Marcelli.

O. d. St. L. No. 310. Das goldberger Stadtsiegel an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866